Friday, December 12, 2014

Day 24

Date: 12 December 2014

傻豬老婆。。你今日點啊?係咪休息緊啊?尋晚成3點先訓得著。。訓到6點幾就醒啦。。今日好累。。係咁大咸碌。。今朝10點幾收到個包裹,原來我地件曼聯波衫到左啦。。終於收到啦。。頭先去company lunch。。而家返到office啦,不過都無乜胃口食野。。好掛住你。。好擔心你。。個個都係度嘻嘻哈哈,我就無乜心情。。覺得周圍好嘈。。好煩。。仲記唔記得上年既company lunch有抽獎。。大獎係note 3啊?今年無獎抽嚕。。大老細話等到過年lunch先抽。。 不過有互相交換聖誕禮物。。將帶黎既禮物編上號碼再擺入個藍度,跟住自己再抽多個號碼黎換。。換返黎既竟然係隻比人戴過既2手舊錶,花晒仲有d生鏽添。。其實禮物有無都無所謂。。只不過唸番起我之前講既。。做好人係咪真係會有好報?老婆成日話我好人,好又點啊?我今日得到既。。竟然係一個無人要而當廢物咁送出去既一隻舊錶。。有同事仲講笑話我係咪得罪左邊個,有人想送我"鍾"(終)。。maybe.. i dont know.. 呢個世界咩人都有。。總之覺得最近d心情怪怪地。。好唔自在。。好多時候個心都好煩好唔舒服。。大老細話4:30pm就可以收工啦。。一間我會返芙蓉啦。。而家落緊好大雨。。我今朝都有幫老婆祈禱。。一間返芙蓉既途中都會。。老婆要繼續比心機,加油啊。。我send兩張相比你睇啊。。一張頭先annual lunch影既。。另外一張係mid valley既聖誕佈置。。始終都係上年既聖誕最靚。。because last Christmas.. i have you by my side...




老婆啊。。我真係好掛住你。。你而家究竟係點?你有無好番d?你有無日日都掛住我啊?你應承過我你會搵我架。。你快d搵我啦。。唔好要老公等咁耐好嗎?下個拜2就係我地一齊既14個月啦。。老公既心每日都好痛好痛。。之前9月見完你個陣我講左d野,你問咁我係咪想放棄。。我話緊係唔會放棄啦。。我地話過無論幾艱難,幾多阻滯我地都會堅持到底。。你終於記番我地以前d野。。我好開心。。但係開心既時刻點解咁短暫?你話過你唔會再離開我架。。你話你剩係愛我一個,唔會好似個衰人咁掉低我,拋棄我。。唔會比我再受傷害。。你唔鍾意佢like我地d相我都即刻係fb del 佢好友。。我地既世界裡面唔會再有佢。。我係醫院醒番既時候你話香港落雪,下一次可能要到我70歲先有機會見到。。我就問你,你會唔會陪我陪到70歲?老婆就話,我活到幾歲,你就陪到我幾歲。。你話你唔會反口。。我相信你唔會架。。forever and ever.. 記唔記得?老婆。。你要記住,無論發生咩事都好。。我永遠都咁愛你。。永遠都唔會變。。對你一條心。。我都話過。。除左你之外,我唔會娶第2個做老婆。。我剩係想同你永遠係埋一齊。。一生一世。。呢個係我對你既promise.. 永遠都生效既promise.. 我一定會keep呢個promise..  我地仲有好多地方未去,好多野未做,我有好多歌未寫未唱比你聽,我仲要買對NB波鞋黎襯你個對NB一齊去拍拖架。。仲要一齊著波衫。。我地件曼聯波衫今日收到啦。。仲有我地件德國波衫呢。。我仲要縱壞晒你。。更加去愛你,錫你架。。仲有我地既小輝輝呢?講左有一年啦。。我地仲有好多承諾未兌現架。。老婆。。please keep your promise too.. please.. 你應成過我,你老爺奶奶同細佬好多野。。我地全部都等緊你啊老婆。。你老爺奶奶咁錫你。。你話過你唔會呃佢地。。唔好要我地等咁耐好嗎?老婆。。我走啦。。我好掛住你,好愛好愛你。。老公等你。。bye bye.. 到左芙蓉再email你ok?錫晒你。。muah!

如果我有事





我怕沒有這運氣 一生一世有我便會有你
因此太著意去逗你歡喜 好給你回味

我也願意信命理 看註定誰先走 是誰未到期
無恙的你 病發的我 唯有累你

無疑太愛你 怎捨得失去力量照顧你 隨時行開了連再會亦無期
然而我信愛 叫你我來日往生都緊記 無論世外人間天與地
在某一天又再一起

如我若有事你會很寂寞 你獨個行樂怎可快樂
你沒我的運氣能先走 畢竟能早登天國
但我若有事你要孤獨做人就重頭再學
學習到天邊海角 一人拼搏 你這主角 沒有配角

如我若有事你會很寂寞 你獨個行樂怎可快樂
你沒我的運氣能先走 畢竟能早登天國
就算是有事你也可讓別人再做你主角
但是你怎希罕那 一埸寄托 是我多口 令你發惡

Dear God...

Dear God.. why do I feel so strange for the past few days? Is there something that you want to tell me? Why do I feel like my time is up? Is it time to go home? I wish you can tell me.. if I really have to go.. can I go after Martha look for me? Please... can I? I know we all have to leave this world one day.. if really it's time for me to go.. can you let me meet Martha for one last time before you take me home? Please... I know she will miss me so much if I leave without seeing her.. because I will miss her so much too... if really anything happen to me.. God.. please promise me.. help me to take good care of Martha.. give her good health and happiness for the rest of her life.. There are so many questions in my heart now oh God... I want to know the answers so badly.. but I don't know where can I find the answers.. will Martha be alright when I'm no longer here in this world? Will Martha miss me everyday? Will Martha keep all her promises she made to me and my family? Will Martha really love me alone for the rest of her life? God.. so many so many questions in my heart... whatever it is.. God.. please be with Martha always.. and please take good care of Martha for me.. thank you Father in heaven.. thank you so much... bless Martha oh God... let her know that I always love her and she's my one and only one.. forever and ever.. 

Thursday, December 11, 2014

Day 23

Date: 11 December 2014

傻豬老婆。。你今日點啊?有無好番好多啦?呢度今日落左成日大雨。。呢幾日都會係咁。。唔知點解最近既心情好似怪怪地。。好似會有d事發生咁。。唔知點講。。總之好怪。。你啊。。要快d好番啊。。如果我真係有d咩事既話。。你要再次叫醒我架。。其他人講d野我唔聽架。。知唔知啊?你之前應承過我,我好番之後。。你唔會再離開我架。。仲話如果我一求婚。。你就嫁架啦。。你唔好呃我。。仲記唔記得我地魔鬼與天使混合既小輝輝啊?你要記住你應承過我好多野架。。所以你要繼續比心機。。加油。。快d好番啊。。

今日睇新聞。。金鐘開始清場啦。。睇到呢個video。。好正。。


聽日12pm-3pm 公司有annual lunch,食完唔知係咪走得呢。。要等大老細決定。。收工之後會返芙蓉。。留係kl都無野做。。悶到死。。返屋企有自己間房。。可以舒舒服服幫老婆祈禱。。我今朝返工同lunch time都有幫老婆祈禱啊。。老婆啊。。我真係好愛好愛你。。好掛住你。。唔可以無左你。。你對我好重要。。我知你都一樣。。我好耐無聽到你同我講你好愛我,好掛住我啦。。你快d同我講啦。。好嗎?頭先睇番fb d野。。有個post你留言話。。"你是我的"。。你再同我講啦。。好嗎?錫晒你。。muah!老公等緊你。。

Wednesday, December 10, 2014

突然好想你





最怕空氣突然安靜 最怕朋友突然的關心
最怕回憶 突然翻滾絞痛著不平息 最怕突然 聽到你的消息
想念如果會有聲音 不願那是悲傷的哭泣
事到如今 終於讓自己屬於我自己 只剩眼淚 還騙不過自己

突然好想你 你會在哪裡 過得快樂或委屈
突然好想你 突然鋒利的回憶 突然模糊的眼睛

我們像一首最美麗的歌曲 變成兩部悲傷的電影
為什麼你 帶我走過最難忘的旅行 然後留下 最痛的紀念品

我們 那麼甜那麼美那麼相信 那麼瘋那麼熱烈的曾經
為何我們還是要奔向各自的幸福和遺憾中老去

突然好想你 你會在哪裡 過得快樂或委屈
突然好想你 突然鋒利的回憶 突然模糊的眼睛

最怕空氣突然安靜 最怕朋友突然的關心
最怕回憶 突然翻滾絞痛著不平息 最怕突然 聽到你的消息

最怕此生 已經決心自己過沒有你 卻又突然 聽到你的消息

Day 22

Date: 10 December 2014

傻豬老婆。。i miss u so much... i know u miss me so much too.. like crazy.. 比心機,加油啊。。老公今日好累啊。。尋晚開OT開到成3點幾先收得工。。4點幾先訓,訓無4個鍾又要起身返工啦。。今朝返工同lunch time既時候都有幫老婆祈禱。。無論幾累幾無精神我都唔會偷懶,會一直幫你祈禱直到你好番晒為止。。

尋晚OT,loading緊既時候。。我繼續寫我應承左老婆會寫比我地一齊合唱既個首歌。。都7788架啦。。仲爭個曲同睇下需唔需要執過d歌詞黎順番隻曲。。希望靈感快d到。。快d完成首歌。。計計下呢首已經係我寫比老婆既第8首歌啦。。再多幾首可以出碟啦,呵呵… 雖然我寫歌唔係好叻,但係我寫比你既每一首歌,背後都有佢既故事。。呢d歌永遠都只屬於你同我。。我從來無寫過咁多首歌,係我記憶中最多兩,三首,所以老婆你係每一首歌既靈魂。。

我今日lunch time幫老婆祈禱完之後返office,開左蘋果日報個網黎睇下關於"佔中"d新聞。。睇下睇下搵到呢篇野。。覺得好有意思。。


仲記得2個幾月前我去香港既第三日,佔中行動開始左,係旺角見到既一切,個種堅持同精神,令我感動,敬佩。。雖然我唔係香港人,不過呢度我地都有為民主,為自由示威,抗議過無數次。。我都有拎條黃絲帶為你地打氣,仲同老婆講,你唔係香港,知道你好想為佢地打氣,就由我黎代替你。。 我會將條黃絲帶送比老婆。。呵呵… 老婆個陣仲好擔心我,一直提我,細佬同表妹唔好去人多既地方。。但係我真係忍唔住要去。。因為我親眼見到既一切,真係好靚。。呢個咁有歷史性既一刻,我一定要見證下。。

睇完佔中既野,見到有段令人嘔心既新聞。。有一個15歲既女仔比人呃左返屋企影相,跟住先姦後殺,條屍仲比兇手裝入紅白藍尼龍袋掉入垃圾房。。個女仔既男朋友仲上fb搵佢,以為個女朋友同緊佢玩,點知原來出左事。。真係陰公。。只得15歲。。單新聞而家係香港應該好轟動。。睇完單新聞心都酸埋。。呢個世界已經變得越黎越恐怖。。無言。。唉…

我做埋多少野就收工啦。。今日真係好累。。老婆要繼續比心機加油啊。。老公晏d返到屋企繼續幫你祈禱。。老婆好快就會好番。。我好掛住你。。好愛好愛你。。錫晒你。。muah!老公等緊你。。

Tuesday, December 9, 2014

Why God? Why?

Oh God... why? Why Lord? Is what I found out few days ago the truth? Is it what I'm thinking? Or there are other reasons behind it? Why do I have to go through this over and over again? I just want to be with the person I love for the rest of my life.. why is it so hard? Why? I just want to be with Martha for the rest of my life..

Day 21

Date: 9 December 2014

傻豬老婆。。今日第三個禮拜啦。。3個禮拜無同你傾計msg啦。。你而家點啊?係咪好番好多啦?我好掛住你,好擔心你啊。。我尋晚訓到凌晨5點幾就醒啦,之後都訓唔著。。好掛住你。。個心好痛好唔舒服。。所以就起身幫你祈禱。。祈禱完個心就舒服好多。。我今朝返工既時候都有幫你祈禱。。今日又落大雨啦。。每次落雨心情都唔好。。lunch time今日去左架車度繼續幫你祈禱。。祈禱完就返上office做野。。今日都幾忙,我唸呢成個月都會係咁。。年尾啦。。商場超級多人。。頭先行番office既時候見到有個女仔拎住同我送比你個個一樣既黑色手袋。。我送比你個個藍色同你老爺奶奶送比你既手袋你有無用啊?我尋晚去左睇醫生,check我隻腳既傷口。。個傷口埋口啦。。唔洗再包住啦。。不過而家好痕。。但係又唔R得。。我今晚要開OT啦。。好多國家要趕deadline.. 無辦法。。唯有希望佢唔好loading咁耐。。我一間會落去食d野,開齋。。老婆啊。。你之前話我出院之後你要儲肥我架。。等我食肥d,做你既加大碼大樹熊,等你冬天既時候有得攬就唔會覺得凍。。我而家每日剩係食2餐,好難變肥架。。你要繼續比心機加油,快d好番啊。。咁我就唔洗再禁食啦。。我話過我會繼續為你禁食祈禱直到你好番為止。。我知你唔想見到我繼續瘦落去架。。加油啊老婆。。老公都要加油繼續做野啦。。老公好掛住你。。好愛好愛你。。muah!錫晒你啊。。老公等你。。

Monday, December 8, 2014

Day 20

Date: 8 December 2014

傻豬老婆。。係我寫緊email比你既呢一刻。。出面落緊狂風暴雨。。呢d咁既天氣總係令到我既心情好鬼死低落。。掛住你既心越黎越沉重。。成個人都好down。。個心好唔舒服。。好痛。。老婆。。你而家點啊?你好番d未啊?好多好想知道答案既問題。。我真係好掛住你。。我今朝好早就醒左。。開車前你老爺都有叫我提你要著暖d,飲多d水,照顧身體,多d休息。。渣車返kl既時候同平時一樣咁塞車。。仲要落大雨。。搞到仲塞。。係途中都一直幫老婆祈禱。。祈求上天快d比你好番。。比外父外母平靜既心。。到左mid valley仲有好多時間就去左麥當勞食早餐,不過無乜胃口。。食左一半有多就食唔落。。我坐番之前同你去食早餐個張檯。。仲記唔記得個時商場未開冷氣,我地兩個食到流晒汗?今日係公司都好忙,個個請晒假唔夠人手。。直到lunch time就同平時一樣,繼續為老婆祈禱,不過今日入會議室。。祈禱完之後望出個窗口。。見到仲係落緊大雨。。忽然間唸番好多我地既野。。有開心,有唔開心。。跟住就繼續做野。。

我尋晚又訓唔著,好想同你傾計,有好多野想同老婆講。。開番d notes黎睇。。睇到之前我係醫院個陣你同細佬傾d野,睇得出你好緊張。。好驚。。好驚我會有事就咁掉低你走左去。。傻豬。。我又點捨得呢。。你仲同細佬講,話我太好人,無缺點,剩係得好多優點。。不過你怕因為我太好人,會比人呃,比人蝦。。其實好多時候我都係度唸。。做好人。。值得咩?好人有好報呢句說話究竟係咪真架?定係係今時今日呢個世界已經唔再存在?好人係咪已經唔屬於呢個醜惡既世界?做好人既結果係咩?比人遺棄,比人犧牲,比人出賣,比人搵笨,比人當老襯,比人佔便宜?雖然好多時候做好人既後果係會令到我好心灰意冷,但係我唔會變。。因為老婆話過。。你鍾意既係原本既我,唔需要改變任何野。。要對我自己有信心。。老婆。。唔好蝦我。。好無?你要快d好番。。兌現你比我既每一個承諾啊。。我每日都係度等緊你架。。我好掛住你。。好愛好愛你。。muah!錫晒你。。老公等你。。

Waiting For You





金色的舞鞋 伴著音樂
Baby 你的眼睛 是一彎 深邃的湖水

OH 忽明忽滅 掩藏不可思議的美
讓我暈眩 在懸崖邊 誰知一睜眼就不見

Waiting For You I'm Waiting For You
Waiting For You Kiss Me At The Night
為何你 Cinderella 留給我一望無際的思念

Waiting For You I'm Waiting For You
Waiting For You Come Here To My Dream
牽著你 不斷旋轉 一直到黑髮變成了銀線

Waiting For You Waiting For You 直到永遠

Sunday, December 7, 2014

Day 19

Date: 7 December 2014

傻豬老婆。。老公好掛住你。。你而家既情況係點,我真係好想知。。我每一日唸起你既時候個心都會好痛好唔舒服。。今日都一樣。。尋晚又無乜訓到。。今朝好早就起左身,起身之後就幫你祈禱。。跟住去左食早餐,不過都無咩胃口。。今日成日都唔係好想做其他野,覺得個人好炆,唔係好想同其他人講野。。想一個人靜下。。lunch time都一直留係間房度幫老婆祈禱。。睇番我地一齊影既相,聽番你d錄音。。老婆話每次聽到Beyond d 歌,你就會唸起我。。今日老公錄左Beyond既"情人"送比你。。頭先已經send左個mp3比你。。我知你呢個頭號超級粉絲一定會鍾意。。"盼望你現已沒有讓我別去的恐懼,我即使離開你的天空裡"。。我話過我唔會放棄你。。就算有日個天要我走先。。我都會變成童話裡你愛的那個天使,張開雙手變成翅膀守護住你。。錄完首歌之後覺得有d累,係張床度恰著左。。醒既時候原來訓左一個鍾都無。。跟住就起身繼續幫老婆祈禱。。夜晚都有同你老爺奶奶去食晚餐。。食完就返屋企執野準備聽朝返kl。。我知老婆都唔想見到我每日無心情,咁唔開心,夜晚訓唔著無精神。。咁你就要繼續比心機加油,快d好番啦。。我真係好掛住你。。好愛好愛你。。我知道你都一樣架。。錫晒你。。muah!老公等你。。

情人。。#beyond #情人 #cover #song #music #love

Day 18

Date: 6 December 2014

傻豬老婆。。你今日點啊?係咪好掛住老公呢?老公都好掛住你。。我今朝雖然係訓到成11點幾,不過個人仲係好累。。訓醒無耐就同你老爺奶奶去食lunch啦。。食lunch既時候你老爺有問我你去完family trip未。。我話未。。不過紙始終包唔住火。。我決定如果聽日佢再問關於你既事。。我就會同佢講你去左美國做手術既事。。我知老婆唔想你老爺擔心。。但係我真係唔知點樣再瞞落去。。我地食完lunch之後就返左屋企。。返到屋企之後我都一直留係房入面幫老婆祈禱。。一直到5點幾就去左朋友間salon度剪頭髮。。剪頭髮個陣我個fd話我d白頭髮越黎越多,比起上一次剪既時候多左好多。。剪完頭髮就同你老爺奶奶去食dinner,食完dinner返到屋企就幫你奶奶執下間書房。。一直執到而家。。send完呢封email比老婆之後我就會再幫你祈禱。。跟住就會試下訓。。老婆。。我真係好掛住你。。好擔心你。。你要繼續比心機加油啊。。我知你都唔想要我擔心咁耐架。。我知你都好掛住我。。好愛我。。老公好愛好愛你。。錫晒你。。muah!老婆。。老公等緊你。。

Friday, December 5, 2014

Day 17

Date: 5 December 2014

傻豬老婆。。美國個邊最近d氣溫都係十幾度。。你記住要著多幾件衫。。要著暖d。。唔好凍親啊。。唔好要老公咁擔心啦知嗎?老公個心每日都已經係度痛緊架啦。。你要好好照顧身體啊。。你而家係度做緊咩呢?係咪休息緊啊?係咪係度掛住我啊?老公好掛住你啊。。我尋晚去比醫生check隻腳既傷口,醫生話好左好多啦,佢叫左護士幫我從新包紮過。。下個禮拜應該唔洗再包住啦。。而家包住隻腳覺得好唔自在。。覺得隻腳好實。。尋晚又無乜訓到。。今日成日都無乜精神。。又多野做。。年尾d同事放晒假都唔夠人手做d case。。唯有自己做晒。。我今朝都有幫老婆祈禱,lunch time都去左架車度繼續幫你祈禱,要上番去office既時候經過商場。。見到一樣野。。我一睇到就知道老婆你一定會好鍾意。。而且呢樣野係好難搵得到。。所以我就即刻將佢買左黎送比老婆你做聖誕禮物。。我知你唔想我曬錢買野,不過聖誕一年先一次,唔緊要啦。。老婆要快d好番啊,我就親手將份聖誕禮物送比你,到時你就知道係乜野。。你仲有好多禮物收架。。我做埋d手尾就收工啦。。一間我會食dinner,食完dinner就返芙蓉。。我會小心渣車。。老婆放心。。我返到芙蓉再send多封email話你知,好無?老婆要繼續比心機,加油啊。。好快就會無事。。老公好掛住你,好愛好愛你,我知你都一樣。。老公錫晒你。。muah!老公等你。。

Thursday, December 4, 2014

Day 16

Date: 4 December 2014

傻豬老婆。。你今日點啊?我好掛住你啊。。我知你都一樣好掛住我。。我今日無發燒啦,不過個人無乜精神,可能因為食左藥掛,而且尋晚開OT開到成2點幾,返到屋企沖得涼黎都3點幾啦。。今朝一早又起身返工。。我今朝返工同lunch time都同平時一樣有幫你祈禱。。今日晏晝收到Mario既email,佢send左佢係非洲旅行個時d相過黎,d相影到好靚啊,等老婆好番我send比你睇。。我地仲爭Mario一張相啊記唔記得啊?我地要一齊著佢幫我地係德國買既德國波衫,跟住影相比佢睇架。。仲記得世界盃個陣我話送件德國波衫比你因為你鍾意德國隊,你就話等德國捧世界盃先算啦,點知真係比佢地贏左,世界盃完左之後d德國波衫係呢度都賣到斷晒貨,咁岩Mario有過黎馬來西亞就托佢幫我買。。老婆仲好勁添,每次同你玩估邊隊會贏你都差唔多估中晒。。抵錫。。Muah!有一晚你仲陪我睇荷蘭對墨西哥添。。個陣你岩岩做完朱古力瘤手術無耐仲係醫院。。你仲有一件曼聯波衫架,我個friend話多2個禮拜就有貨會交比我架啦,你應承過我會同我一齊著架,我地件德國波衫都未一齊著過。。老婆要繼續比心機加油,要快d好番啊,老公都會繼續為老婆禁食祈禱。。錫晒你,muah muah muah muah muah!我而家收工啦,約左醫生check我腳既傷口。。我會小心渣車,老婆放心。。我好掛住你,好愛好愛你。。老公等緊你啊。。

Wednesday, December 3, 2014

Day 15

Date: 3 December 2014

傻豬老婆。。你而家做緊咩啊?係咪休息緊啊?你要比心機,加油啊。。我尋晚食左藥個人係好累,好眼訓。。但係訓到差唔多凌晨4點幾就醒左啦。。我好掛住你啊。。訓下又醒下搞到個人仲累。。今朝起身仲有d發燒,但係又唔可以請病假,2個同事已經請左年假,cindy姐仲搞緊佢媽咪d身後事未返工。。得番2個同事做野,今日成日個人都頭重重,頭又暈。。不過我有帶藥返office,有照顧傷口。。今晚要開OT啦。。香港同臺灣個邊都有case入黎,又係度loading啦。。我會準時食藥,dinner會食d野,如果頂唔順就會入會議室抖下,老婆放心。。我今日雖然無乜舒服,不過我都有繼續幫你祈禱。。今日lunch time就無去架車度啦,走左入會議室,幫你祈禱完就食藥係office抖。。

我今日晏晝send左You Took My Heart Away既MP3比你。。send完之後自己開番首歌黎聽。。裡面有段歌詞。。
"You came to mend a broken heart
You gave my life a brand new start"
我話過,你係令到我再次相信愛情既人,所以你對我好重要。。上一段7年既感情我係比人傷得好深,我都同你老爺奶奶講我唔會再拍拖。。但係you came to mend my broken heart, you gave my life a brand new start。。識左你之後,我收番呢個決定,因為我知道你就係我既miss right。。你係我想共度餘生既人。。你問過我點解我咁愛你。。我答你如果真係要比個原因既話,係因為"簡單"兩個字。。你同我講過你唔追求物質,只要我係真心愛你,錫你就得啦,就係咁簡單。。你話你寧願要幸福都唔要榮華富貴。。我同你一齊我覺得好開心好舒服因為我可以做番我自己。。

仲記得你掙扎左好耐先同我坦白講你既過去,之後先知原來你都有過段好唔愉快既感情。。你話我比你既幸福黎得太快,我對你太好,你怕同我講完之後我會介意而唔要你,你就會失去呢一切。。你話我人太好,對你好好,好愛你,好錫你,你唔想無左我。。但係因為我地咁愛錫對方,我對你咁好,你唔想呃我,所以你就同我坦白。。我知道真相之後都無嬲你,只係覺得點解你咁傻會有咁既唸法,我記得我同你講 "傻豬,每個人都有自己唔愉快既過去,我係真心愛你既,就唔會去介意以前所發生既一切,反而我會更加愛你,錫你,縱壞你,保護你,唔再比你受到傷害"。。你之後都話因為你老爺奶奶咁錫你,你都唔想呃佢地咁耐,我就同佢地講左你既事,佢地都無介意反而叫我要對你好d,你係一個好女仔,唔准蝦你,if not i will die.. @@ 唸番起,我同你真係無秘密。。呢個世界咁大我地都可以走埋一齊。。係一種緣份。。無野比珍惜我地既一切更重要。。尤其是我地一齊經過咁多野之後。。以前d人未見過面就結婚。。都可以一生一世好幸福。。我地係真心相愛。。一定會更開心更幸福。。老婆要繼續比心機,加油啊。。好快就會好番,無事。。老公好愛好愛你,好掛住你。。錫晒你。。muah!老公咁愛你,你唔好呃我。。要keep你既promise啊。。老公要開OT啦。。老公等緊你。。

Tuesday, December 2, 2014

Day 14

Date: 2 December 2014

傻豬老婆。。2個禮拜啦,時間過得真係快。。尋晚我又訓唔著啦。。我好掛住你。。好想聽到你把聲。。所以就開番你d錄音黎聽。。係其中一段錄音你話。。我係醫院個陣,你覺得d時間過得好快。。我都有同感。。點解你咁快就過左去美國兩個禮拜既?呢兩個禮拜好似無乜特別野發生。。但係我就覺得我個心痛左好耐。。就同老婆你個時一樣。。每次我聽番你d錄音,聽到老婆把聲,我d眼淚就會開始流。。我真係好掛住你。。

我話過我會寫首歌,同老婆一齊合唱,仲會教埋你彈吉他。。我無忘記過,首歌我一直都係度寫緊。。仲有我promise過會寫首生日歌比你,我都係你生日前寫完啦,仲錄埋studio版送比你。。記唔記得因為我話過要將最好既野都比晒你,為左要錄到首最完美既生日歌送比你,仲搞到同奸人堅吵交?我promise過你既每一件事,我從來無忘記過。。

你送比我既叮噹咖啡杯,我每日返到office都有用。。用完仲會好小心咁收起黎,第2日再拎番出黎。。你送比我既ukulele,我每日都會拎出黎,望住佢。。掛住你。。你話我送比你既每一樣野對你黎講都好珍貴,就算係一張紙你都會當佢係寶。。我都一樣啊,你送比我d野,我全部都保護得好好,無人敢掂。。你份情人節禮物,你要我快d醒番好番,親手交比你,我做到啦。。你話過你信無野可以難到我,我都相信無野可以難到你架,老婆要繼續加油啊。。老公會繼續為你祈禱打氣。。好快就會好番架啦。。

我今日3點幾已經離開左office。。因為個人有少少發燒,我頭先有去睇醫生,醫生check到原來隻腳既傷口無處理好,開始發炎。。頭先醫生已經幫我從新洗過傷口,從新包紮過,開埋藥比我。。老婆放心,我會好好照顧自己。。我會準時食藥,照顧好個傷口。。我今晚會繼續幫老婆祈禱。。老公好好好好好掛住。。好愛好愛好愛好愛你。。錫晒你。。muah!老公每日都係度等緊你。。

Monday, December 1, 2014

Day 13

Date: 1 December 2014

傻豬老婆。。今日12月1號啦。。今日細佬生日啊,不過今日佢開始考試,無得慶祝住。。細佬好乖啊,佢話會比心機考試,再多一次pass晒等老婆可以同佢慶祝兩次喔。。你老爺頭先lunch time有打比我,一直叫我提你要小心d因為而家有禽流感。。同之前一樣囉,問我係咪真係有同你講。。我地都咁錫你。。又點會唔提你啊。。我頭先掙扎左好耐。。究竟同唔同你老爺講你去左美國做治療好。。但係又唔想佢咁擔心,結果都無講到。。又係你話會自己同佢講既。。

我今朝返工同平時一樣,渣車既時候都有幫你祈禱,我有食早餐啊,lunch就無食因為要為你禁食祈禱。。lunch time去左架車度幫老婆祈禱。。我dinner會食野。。頭先祈禱完睇番d notes。。睇到老婆話我出事個陣你每日都聽住鄭秀文既個首歌,我就開左黎聽,聽完又聽,重複再重複,越聽個心就越覺得痛,聽住首歌又唔知老婆而家既情況係點,真係好難受。。我唸你都好清楚個種感覺係點。。不過我知老婆好快就會無事,因為我對你有信心亦都相信上天會好快幫你復原。。就好似之前咁,如果唔係我都唔會浪費時間每日幫你祈禱。。我會繼續相信。。老婆都要相信啊。。我每日都有幫外父外母祈禱,祈求上天會令佢地安心同比佢地信心老婆好快就會無事。。

今日office好多問題,做到個人好炆,個心又一直唸住老婆d野。。不過我有控制住自己。。無crazy。。我應承過老婆剩係會對你一個crazy架嘛。。今日mid valley好多好多人。。可能因為學校開始放假而且年尾好多人都開始拎年假。。傻豬老婆。。我好掛住你啊。。繼續比心機,加油,唔好要老公等咁耐好無?我好愛好愛你。。muah!錫晒你。。muah muah muah muah muah!錫多幾啖。。老公等你。。

Sunday, November 30, 2014

Day 12

Date: 30 November 2014

傻豬老婆。。how r u honey? I miss u so so so much.. 今日一訓醒d手手腳腳同腰骨都痛晒。。好耐無做運動啦。。尋日咁搞下個人差唔多散晒。。尋晚個人雖然係好累。。不過都依然係訓下醒下。。仲發夢夢到老婆你終於覆我既email。。係email度你話你無事啦,你好掛住我,好愛我。。之後就醒左,一醒就即刻check電話。。希望你真係有覆我。。結果都係無。。但係個夢好真實。。訓醒之後去沖涼。。隻腳既傷口好乸。。沖涼沖到腳震。。今日成日我都係間房度幫老婆祈禱。。邊度都唔想去。。

頭先你老爺有打比我。。佢話今日同你奶奶行商場既時候買左d野送比你。。你老爺仲話睇到新聞而家廣州同東莞都有H9N5禽流感,而家又冬天,d菌會好犀利,叫你去完family trip返到廣州要小心d,去人多地方既時候記住要戴口罩喔。。佢都有問候你。。我都係個句。。你ok。。我頭先有食dinner。。我有聽老婆話,好好照顧自己。。聽日12月1號啦。。細佬聽日生日啊。。仲有一個月2014就完啦。。仲記得上年呢個時候我地都好緊張,好心急可以見面,每日都係度countdown仲有幾多日就可以見到對方。。老婆要繼續比心機做治療,繼續加油,好快就無事架啦。。老公好掛住你,好愛好愛你。。我仲要每日比老婆好長好長,錫到就黎無氣既錫錫架。。muah!老公等緊你。。

Day 11

Date: 29 November 2014

傻豬老婆。。你今日點啊?真係好想知道你而家情況係點。。老公好掛住你啊。。我岩岩team building返黎。。個人好累。。頭先唔小心整親隻手同腳。。隻腳流左好多血添,不過個度d人有幫我包紮好,唔係好大件事者。。老婆放心。。玩到一半仲落大雨添。。搞到成個落湯雞咁。。成日都無心情去理其他野。。剩係一直掛住老婆,唸緊我好老婆而家點。。我真係好掛住你。。我今朝去team building之前同頭先食完dinner之後都有幫老婆祈禱。。今日真係好累。。老婆要繼續加油啊,好快就會無事架啦。。我好愛好愛你,好掛住你,錫晒你。。muah!!!老公等你。。

Friday, November 28, 2014

Day 10

Date: 28 November 2014

傻豬老婆。。今日第十日啦。。呢十日你覺得點啊?有無好d啊?你有無乖乖食野,飲水,照顧身體,休息啊?呢十日無你既消息,我心真係好煩。。收唔到你d msg,睇唔到你同我講你好掛住我,好愛我。。睇唔到你send d donald 同mickey既sticker比我。。我真係好好好好好掛住你。。不過我有每日都keep住為老婆你禁食祈禱。。每次幫你祈禱完,個心就會舒服好多。。我都有幫外父外母祈禱,祈求上天係呢段時間會比佢地peace and assurance。。繼續保佑佢地身體健健康康。。繼續相信老婆你好快就會好番。。

今日返工經過mid valley大堂見到d聖誕樹同燈飾都上晒啦。。好靚,不過點都比唔上上年既聖誕節,因為個時有老婆係度。。都係我既好老婆最靚,嘻嘻… 仲有我之前同老婆講個間食點心既"添好運"呢,今日開張啦,d人多到。。排晒長龍。。我今日有食早餐啊,lunch time去左架車度幫老婆祈禱。。一間都會去食dinner,老婆放心。。我應承過你係呢段時間我會好好照顧自己。。你都要記得你應承過我d咩架。。我咁愛你,你唔好呃我啊。。

頭先係架車度祈禱完。。開番自己既email,無意中搵番我之前2月send比細佬叫佢幫我做d野既個封email.. 睇完個email,唸起好多野。。我係度唸。。因為一個好荒謬既大話,搞到咁大件事,而都因為有你d錄音,我先唔會係個"夢"裡面越行越遠,如果無個d錄音,我今日會係點?我會係邊?你之前同我講,話你收工後返屋企睇電視,睇到喊,因為電視個男主角同我既經歷一樣而你又記番起我係醫院個段時間d野。。傻豬老婆。。你對我真係好重要。。我仲睇到係個email度我話我係youtube聽歌個陣見到有人留言話 "真心愛你的人,永遠不會放你走,不管遇到多大的困難"。。我話過無論有幾大既難關,我都會同你手拖手,渡過一切。。

之前我一知你出事之後,我唸到既第一件事就係錄音比你聽,因為我相信就算你聽唔到我講咩,都可以feel到,個陣你老爺奶奶,細佬,我,每日都不斷為你祈禱,結果你終於醒番,我一直都好想同你講但係又唔記得, 你知唔知你醒番個日係咩日子?個日係復活節。。我仲記得係復活節個晚,我地成家人聚埋一齊為你祈禱。。一直求上天比你快d醒番,有時d野就係咁神奇,唔到你唔信。。仲有呢,我之前醒番之後個頭都有痛,有次仲痛到嘔添,你記得無?醫生幫我check完話scan到個頭入面有個黑影,一個月之後到返去check,醫生話個黑影唔見左,呢個好消息都係你老爺叫你同我講架,所以老婆要繼續相信會有奇蹟,我就已經係個奇蹟既例子,一切都會好快過去,好快無事,老公會繼續每日幫你祈禱。。老公好愛你,好掛住你,錫晒你,muah!!! 老公等你 。。

Thursday, November 27, 2014

Day 9

Date: 27 November 2014

傻豬老婆。。今日第9日啦。。我尋晚又訓唔著啦。。我好掛住你。。訓著左無幾耐又醒啦。。醒左又好難訓得番。。今日有d累。。頭有d痛。。記唔記得2個月前既今日啊?個一日可以話係我今年最開心既一日,我相信老婆都一樣好開心。。thank you so much for the surprise honey.. 你為我做既一切已經可以證明你好愛我,我對你有幾重要。。 我終於係個日得到我等左好耐既答案。。我今朝渣車返工既時候都有幫老婆祈禱。。老婆記住要繼續加油,好快就會無事。。



呢幾日我既胃酸又發作啦。。可能係因為無定時食野掛。。所以係呢段時間我決定每日定時食早餐同晚餐,我會skip lunch,用lunch time既時間搵個靜d既地方黎幫老婆祈禱。。我唸咁樣會好d。。我知老婆都唔想我咁辛苦既。。其實呢成個禮拜無你既消息。。真係好辛苦好難受。。我相信老婆都知道個種感覺係點。。之前至少老婆有細佬update你關於我既狀況,細佬有同我提過,佢遲少少msg你你就已經好緊張。。我而家都一樣。。只不過我無人可以問。。唯有問蒼天。。老婆。。我真係好掛住你。。好想知道你而家既情況究竟係點。。好想知道你係咪真係需要做手術,定係個邊既醫生有其他辦法?如果真係需要做手術。。幾時會做?定係手術已經做完,你而家休息緊?我而家每日都係度誠心祈禱,希望醫生會有其他辦法,唔洗做手術。。我相信有奇蹟,因為我已經親身經歷過。。老婆都要相信啊。。除左你之外其他野我都唔係好想去唸。。

黎緊呢個拜六公司有個team building活動。。其實我真係無心情去。。不過老細話每個人都一定要到。。又要爬山爬樹,呢度飛個度飛。。不過我promise老婆我會小心。。我知之前我整親隻腳你都已經好擔心。。你老爺每日都有keep住sms/打比我問你點,我只可以繼續瞞住佢話你ok,我好想同佢講但係又唔想佢擔心。。我真係唔知可以瞞到幾時。。所以老婆要繼續比心機做治療,快d好番啦。。你之前都錄音叫我唔好要你等咁耐。。我都做到啦,老婆都唔好要我等咁耐啦,好無?我好愛好愛你,好掛住你。。錫晒你。。muah!老公等你。。

Wednesday, November 26, 2014

Day 8

Date: 26 November 2014

傻豬老婆。。你已經去左美國一個禮拜啦。。呢一個禮拜你係咪日日都掛住老公?因為我真係掛你掛到就黎cra q zy 啦。。你有無乖乖地聽醫生話,好好休息啊?今日返工既時候竟然無塞車,原來學校開始放假,我好早就到左mid valley,泊完車之後就係架車度幫老婆祈禱。。行緊去office經過大堂既時候發覺多左幾棵聖誕樹,我唸多幾日就會好靚。。

今朝一入office就收到個好唔愉快既消息。。老細同我地講。。話cindy姐既媽咪今朝已離世,仲走得好突然添。。每次聽到呢d事個心都會好唔舒服。。人生無常。。所以話,擁有既時候就要好好去珍惜。。老婆成日話,好多野我都已經知道答案,點解仲要問?你都知我好愛你,但係我成日都同老婆講我好掛住你,好愛你,係因為我知道你聽完會好開心,你會傻笑。。你開心,我都自然開心。。仲有,有邊個可以保證我今日同你講既呢句 "老婆,我好愛你" 唔會係我最後一次同你講?無人知今晚,聽日,後日會發生d咩事。。所以我好珍惜你。。我地今年一齊經歷過既野實在太多。。個種feeling除左我地2個之外無人會明白。。我知老婆身邊好多人都當正我係瘟神。。想我永遠係你既世界裡面消失。。但係老婆好清楚知道我係唔會放棄你。。如果我係咁容易放棄既。。今日我部電話入面就唔會有老婆係2月send比我個d錄音。。其實我地點識,我住邊,重要咩?乜唔係我真心愛你,錫你,你開心先係最重要咩?

我頭先聽番老婆係我出事個陣send比我既第一段錄音,我聽得出老婆真係好愛我。。聽到老婆喊,我心都痛晒。。你之前同我講我地以前d野你已經記得番7788,我相信你都記得你係錄音度同我講過d咩,老公今日要講番比你聽。。因為呢d都係我心入面既說話。。

"傻豬老婆,你要乖乖地,你應承過我如果我唔放棄我自己你都唔會放棄我。。你應承過我架。。黎緊下個月就係聖誕節啦,但係你好似仲未話比我知你會送咩聖誕節禮物比我喔… 我知你好掛住我,好擔心我,好愛我。。我仲要陪你去好多地方架。。去睇雙子塔啦,i-city啦,金馬倫食strawberry啦,去檳城啦,去馬六甲啦。。我去香港既時候你仲要帶我去好多地方架嘛。。你仲要帶我去買老婆餅啦,去買曲奇餅啦,去買杏仁餅,去食糖水,同我入赤柱,去d無地鐵搭既地方,我地仲話過每年要一齊去旅行一次,今年7月我生日個陣miss左啦。。跟住你要黎探你老爺奶奶同細佬呢。。你記住你話過我唔放棄自己你都唔放棄我架,知唔知啊?我知你好掛住我錫到就黎無晒氣個時。。你要快d好番,我要你每日都聽到。。我應承過你係呢段時間我會繼續錄歌比你聽,我記得架,你係我既頭號超級粉絲黎架嘛。。你唔聽就無人聽架啦。。我好掛住你。。好愛你。。你要好好照顧身體,快d好番,唔好要我擔心啦。。好無?你記住你應承過我好多野架。。我仲未縱壞晒你架。。我知你好耐無傻笑啦,好耐都無聽到我同你講我好愛你啦。。我都一樣者。。我等你好番之後我要你日日都一定要同我講好多好多好多次,知唔知啊?我都會日日同老婆講好多好多好多次。。我愛你。。muah!我好掛住你啊。。我而家日日除左為你禁食祈禱我都唔知可以做乜野。。我會好掛住你。。muah.. 我錫晒你。。好愛你。。muah.. 老公等緊你。。"

老婆之前同我講既野。。我而家講番比你聽。。我而家每日既心情同你個陣每日錄音比我既心情係一樣架。。每日都係度等,等,等。。我相信老婆唔會要我等好耐,因為你自己都好掛住我,係咪?我對你有信心。。我返到屋企會繼續為老婆祈禱。。我愛你。。好掛住你。。錫晒你。。muah.. 老公等緊你。。

Tuesday, November 25, 2014

Day 7

Date: 25 November 2014

傻豬老婆。。我今日返工啦,尋日拎假搞掂晒d野啦,今朝我返kl有小心渣車,同平時一樣咁塞車囉。。頭先到mid valley既時候行過大堂佢地開始佈置聖誕啦。。仲記唔記得上年你聖誕黎搵我,你到左mid valley我問你見到咩,你話好多聖誕樹同好多人。。哈哈。。咁就一年啦。。時間過得真係快。。我地都一個禮拜無msg啦,你有無掛住老公啊?老公好掛住你啊。。有時我幫你祈禱到一半都會好自然咁喊左出黎。。真係無用。。唉…

老公有keep promise好好照顧自己啊,今日入黎office個陣有幾個同事都話我白頭髮多左,我唸到老婆再同我見面既時候我已經變成白頭佬,呵呵… 不過我知無論我變成點老婆都會一樣咁愛我,可能仲會覺得我man左添。。我對你都一樣,我同你講過,無論你變成點我都會一樣咁愛你。。仲有今日一開電腦,輪到我打唔到中文字啦,個個moment令我唸番起幾個禮拜前外母因為打唔到中文字唔可以同佢既friend上網傾計向你求救,跟住我就唸盡方法去幫你搞掂個問題,到最後都搞掂左,你仲話外母同我say thank you添,一唸起呢件事我就笑啦,真係得意。。呵呵…

老婆今日有無乖乖食野,飲水,著暖暖啊?記得要聽醫生話,咁就可以快d好番,我都就黎收工啦,唔係好想留係office,搵d野食,返屋企,繼續幫老婆祈禱。。老公好愛好愛你,好掛住你,錫晒你。。muah!!老公等你。。

Monday, November 24, 2014

Day 6

Date: 24 November 2014

傻豬老婆。。今日day 6啦,今日我請左一日假無返工,因為要留係芙蓉做d野。。老婆整比我個2條藍色同銀色既手繩我已經無戴啦,我睇到開始裂就黎斷咁,我除左落黎,收番入個盒仔裡面啦,等老婆好番,整過新既比我好無?老婆之前話係日本返黎之後會整新既比我架,仲話幫我換7 11既叮噹。。而家換左都未比我。。老公仲等緊架。。老婆記得要食野,飲水,著暖d,係呢段時間好好休息,乖乖聽醫生話,老公會無時無刻都咁掛住你,就好似老婆一樣,always miss me。。老婆最乖最抵錫,你要記住,老公仲未縱壞晒你架。。記唔記得我寫過首歌比你,有段歌詞係。。

不管是下雨天還是晴天
我對你的愛永遠不變
雖然我不能常在你的身邊
你無時無刻都在我的心裡面
Oh baby baby don't be afraid
煩惱這東西不會是永遠
我會牽你的手渡過這一切
總不會讓你一個人去面對
Oh baby baby i promise you i'm here to stay

呢個唔係一首歌咁簡單,呢個係我對老婆既承諾,我對你既promise.. 係呢段時間你戴住我送既戒指就好似我捉住你隻手,你戴住我送比你既頸鏈就好似我攬到你實實咁,老婆要再暖d,就戴上我送比你既頸巾。。就好似我係你身邊一樣。。我會繼續每一日都為老婆禁食祈禱,繼續每日等老婆既好消息,等老婆搵我。。我好愛你,好掛住你,老公等你。。i promise you i'm here to stay..

Day 5

Date: 23 November 2014

傻豬老婆。。好多日無同你msg傾計啦。。今日係你去美國既第五日啦。。老公真係好掛住你。。我知你都好似我咁,好掛住我,好愛我。。係咪?今日芙蓉落左成日雨,邊度都唔想去,其實呢2日都無出過去,剩係想留係屋企繼續幫老婆祈禱。。我連coffee都無去飲。。我好掛住weekend去飲coffee有老婆陪我傾計既時候。。老婆好快就會好番,跟住就可以weekend陪老公飲coffee傾計啦ok?老公有乖乖食野啊,你都要食野知嗎?老婆記住要著多幾件衫,唔好凍親啦。。老公都會好好照顧自己,應承左你架嘛。。老婆都好似promise左我好多野係咪?老公等你。。我愛你,好掛住你。。錫晒你。。muah!!keep believing... ♡♡♡

Sunday, November 23, 2014

Day 4

Date: 22 November 2014

我最愛,最錫既老婆。。今日係你係美國既第四日啦。。我真係真係好好好好好掛住你,好想知道你而家真正既情況係點,醫生有無講d咩,我今日都有一直幫你祈禱。。今日美國既溫度都係13-22度之間。。老婆要繼續休息多d,要相信一切都ok,好快就會無事,老公好多日都無聽到你同我講你好掛住我,你好愛我啦。。今日晏晝電視播 "笨小孩"。。葉德嫻,譚耀文同關秀媚拍個套呢?老婆有無睇過啊?劇情都幾感人。。一個智商有問題既人都知道點樣去愛錫同保護佢最愛既女人。。我都好愛錫同保護老婆你架,你都知架,係咪?嘻嘻… 睇完齣戲就幫你奶奶執下個廚房。。不過唔係好想講野。。跟住個人有d累。。但係又唔想訓。。個腦一直唸緊既都係老婆你。。i miss u so so much.. 老婆。。我好愛你。。你要加油啊!老公每日都係度等緊你啊。。

Saturday, November 22, 2014

Day 3

Date: 21 November 2014

老婆。。你好嗎?你而家做緊咩啊?有無掛住老公啊?我好掛住你啊。。今日係你係美國既Day 3啦。。呢幾日既溫度都差唔多。。老婆要記得著多幾件衫啊。。老公真係好掛住你。。掛到今日老公走去whatsapp度msg你。。希望你會覆,點知真係有人覆,個個人雖然無話佢係邊個,不過我知佢係外母黎既。。佢話你無帶到電話過去。。我仲想問你係咪唔記得帶,但係唸唸下都知係咩原因。。頭先老公收工食完飯就返左芙蓉啦,途中一直落大雨,不過我有小心渣車,老婆放心。。一返到你老爺就問你點啦。。我唯有答佢ok。。老婆要繼續加油啊,好快就會無事,記得要好好休息。。老公會繼續等你既消息,繼續每日為你禁食祈禱直到有你既好消息為止。。我好掛住你,好愛好愛你,我知老婆都一樣好掛住我,好愛好愛我。。muah。。錫晒你,老公等緊你。。

Thursday, November 20, 2014

Day 2

Date: 20 November 2014

老婆。。你今日點啊?有無著厚厚啊?今日最低溫度12度,最高20度.. 記住唔好凍親啊。。去見左醫生未?醫生點講?今日係你係美國既day 2啦。。我唸你一定同之前一樣因為時差訓唔著。。而且你同老公一樣,時時刻刻都好掛住老公。。係咪?老公真係好掛住你。。尋晚個人好累。。但係都無乜訓到。。訓下醒下。。好掛住你,好擔心你。。訓唔著個陣就睇番我地d相。。聽番你d錄音。。你老爺都有sms黎問我你點,我只可以答佢ok。。唔要佢擔心。。你話過你會親自同你老爺講架。。我知老婆一定會唸辦法覆我同你老爺既email。。就算老婆覆我一句"i am ok"我都可以安心d啦。。老公呢2日都開始為你禁食祈禱。。老婆一定好快無事。。我尋日話如果老婆無收到我email既可能性有2個,其實老公唸到第三個,就係我d email比其他人睇完之後del左。。我希望無人會咁做因為呢d始終係你既私隱,希望老婆可以親自睇到我每一個email。。你應承過我會用自己既方法搵我,老公每日都係度等緊你覆我。。我對老婆有信心。。今日係公司都係一樣無乜心情做野,因為我好掛住你。。不過老公promise左老婆我會好好照顧自己+等你,就算老公無乜胃口都有食野,老婆都記得要好好照顧自己,食野,飲水,放鬆,老婆一定要做到你promise老公既野,ok?老公好愛你。。好掛住你。。錫晒你。。老公等緊你。。muah。。

Wednesday, November 19, 2014

Day 1

Date: 19 November 2014

老婆。。今日係你去美國既第一日。。如果你真係今朝飛既話。。我唸你而家已經到左。。我check左天氣,今日最低溫度只得12度,最高22度,老婆要記住著厚d,唔好凍親啊。。老公會每日都send一封email比你。。亦都會每日係度等老婆你搵我。。如果當有一日你收唔到我既email,只有2個 可能性,一係我無線,二係我可能出左事。。當然我會盡量唔比呢2件事發生。。我今日開始返工啦。。其實今日我都無乜心情做野。。一直等緊你既msg.. 尋晚又無乜訓到,訓無幾耐又醒下,一直覺得好似聽到電話響咁。。開部電話黎睇原來乜都無。。你都知我搵唔到你我會有幾擔心。。你飛之前都無同我講聲。。尋日走之前連我最想聽到既 "我愛你" 都無。。但係我知唔係你想既。。老婆放心,我唔會亂唸野。。我對老婆有信心你一定會keep你既promise.. 你promise過我咩,你自己知。。因為我知你好愛我,我係你既everything,我對你好重要。。我都會keep我既promise。。你老爺今日都同平時一樣,叫我要提你記得著多d衫,唔好凍親,記得要飲水食野同多d休息。。要relax.. 老婆要記得掛住我。。因為老公都好好好好好掛住你,我好愛好愛你。。muah!錫晒你。。